chaand kay saath kaee dard puraanat niklay

[xoras]

chaand kay saath kaee dard puraanay niklay
kitnat gham that jo teray gham kay bahaanay niklay

fasl-e gul aaee phir ik baar aseeraan-e-vafaa
apnay hee khoon kay dariya main nahaanay niklay

hijr kee chot ajab sang-shikan hotee hay
dil keeefaiz zameeno say khazaanay niklay

umr guzaree hay shab-e-taar main aakkhai.n maltay
kis ufaq say mera khursheed na jaanay niklay

koo-e-qaatil main chalay jaisay shaheedon ka juloos
khaab yoon bheegtee aakkhon ko sajaanay niklay

dil ne ik eent say taameer kiya taaj mahal
tu nay ik baat kahee laakh fasaanay niklay

dasht-e tanhaaee-e-hijraan main kharray sochta hoon
haaye kyaa log mera saath nibhaanay niklay

main nay 'Amjad' usay bevaasta dekhaa hee naheen
vo to khushboo main bhee aahat kay bahaanay niklay