aankh say door na ho dil say utar jaayega

[xoras]

aankh say door na ho dil say utar jaayega
vaqt ka kyaa hay guzarta hay guzar jaayega

itnaa maanoos na ho khilvat-e-gham say apnee
tu kabhee khud ko bhee dekhega to dar jaayega

tum sar-e-raah-e-vafaa dekhtay rah jaaogay
aur vo baam-e-rafaaqat say utar jaayega

zindagee teree ataa hay to ye jaanevala
teree bakhshish teree dahaleez pay dhar jaayega

doobtaye doobatay kashtee to ochhala day doon
main naheen koee to saahil pay utar jaayega

zabt laazim hay magar dukh hay qayaamat ka 'Faraz'
zaalim ab kay bhee na royega to mar jaayega